ABŞ prezidenti Donald Tramp İranla mümkün danışıqlarla bağlı verdiyi açıqlamada "Növbəti iki gündə nəsə baş verə bilər. Biz ora (Pakistana) getməyə daha çox meylliyik" deyib.
Donald Tramp "New York Post" qəzetinə verdiyi müsahibədə cari hadisələrlə bağlı danışıb.
ABŞ prezidenti bildirib ki, onlar danışıqların Pakistanda keçirilməsinə daha çox meyllidirlər, çünki Pakistanın Ordu Qərargah rəisi general Asim Munir çox yaxşı iş görüb.
ABŞ və İran arasında son görüş ötən həftə sonu Pakistanın paytaxtı İslamabadda baş tutub. General Asim Munirin danışıqların asanlaşdırılmasında mühüm rol oynadığı bildirilir.
Pakistanda danışıqlarda iştirak edən ABŞ vitse-prezidenti JD Vens ABŞ ilə İran arasında böyük bir etimadsızlığın olduğunu və bunun bir gecədə həll edilə bilməyəcəyini bildirib.
Vens həmçinin atəşkəsin qüvvədə olduğunu və İran danışıqlarının razılığa gəlmək istədiyini bildirib.
Pakistanın diplomatik nümayəndəsi bildirib ki, İran və ABŞ arasında planlaşdırılan ikinci danışıqlar raundu üçün hələlik tarix müəyyən edilməyib.
Pakistan Xarici İşlər Nazirliyinin adı açıqlanmayan bir rəsmisi Qətərdə yerləşən Əl-Cəzirə televiziyasına danışarkən, İran və ABŞ arasında planlaşdırılan ikinci danışıqlar raundu ilə bağlı mediada yayılan fərziyyələrlə bağlı məlumat verib.
Pakistan rəsmisi bildirib ki, "ABŞ və İran arasında danışıqların ikinci mərhələsi üçün hələlik tarix təyin edilməyib".
Mövsüm,
AzNews.az