Laçında arıçılığın yenidən dirçəlməsi ilə bağlı videoçarx hazırlanıb.
Bu barədə Qaçqınların və Məcburi Köçkünlərin İşləri üzrə Dövlət Komitəsindən məlumat verilib.
"Arıçılığın Laçında tarixi ənənələri var. Otuz illik fasilədən sonra laçınlılar bu təsərrüfat sahəsini yenidən dirçəldirlər. Yeni salınmış Zabux kəndinə qayıdan sakinlər arasında da arıçılıqla məşğul olanlar var. Laçın dağlarında bitən gülün-çiçəyin ətrini, şirəsini öz yuvasına daşıyıb bala çevirən arılar kimi onları saxlayıb qayğısını çəkən insanlar da zəhmətkeşdirlər...", - məlumatda qeyd olunub.
Bildirilib ki, videoçarx Qaçqınların və Məcburi Köçkünlərin İşləri üzrə Dövlət Komitəsi ilə Laçın rayonunda Azərbaycan Respublikası Prezidentinin xüsusi nümayəndəliyinin birgə dəstəyi ilə hazırlanıb.