ABŞ rəhbərliyi Hörmüz boğazında gəmilərin təhlükəsizliyini təmin etmək üçün həyata keçirdiyi “Azadlıq” (Operation Freedom) əməliyyatı ilə bağlı İrana rəsmi və sərt xəbərdarlıq göndərib.
Axios portalının yüksək rütbəli amerikalı rəsmiyə istinadən yaydığı məlumata görə, Vaşinqton Tehranı bu prosesə müdaxilə edəcəyi təqdirdə ağır cavab tədbirləri ilə hədələyib.
Məlumata görə, ABŞ Prezidenti Donald Trampın administrasiyası potensial hərbi eskalasiya riskini minimuma endirmək məqsədilə əməliyyat barədə Tehranı öncədən məlumatlandırıb və İranı kənarda durmağa çağırıb. Lakin bu xəbərdarlığa baxmayaraq, bölgədə vəziyyət kritik həddə çatıb.
ABŞ-nin diplomatik kanallarla etdiyi xəbərdarlıqlar İran tərəfindən nəzərə alınmayıb. Belə ki, xəbərdarlıqdan dərhal sonra İran tərəfi bir sıra aqressiv addımlar atıb:
ABŞ Hərbi Dəniz Qüvvələrinin gəmilərinə silsilə hücumlar təşkil edilib.
Boğazdan keçən kommersiya gəmiləri hədəf alınıb.
Birləşmiş Ərəb Əmirliklərinin (BƏƏ) ərazisinə zərbələr endirilib.
Hazırda regionda hərbi hazırlıq səviyyəsi ən yüksək həddə çatdırılıb və ABŞ-nin bu hücumlara verəcəyi cavab dünya gündəminin mərkəzindədir.
Mövsüm,
AzNews.az