Beş ölkədən olan sənətçilər Tovuzda

24 Sentyabr 2013 22:46 (UTC+04:00)
Milli.Az Türkel TV-yə istinadən xəbər verir ki, bu gün Kuba, Qazaxstan, Tacikstan və Türkiyənin tanınmış sənətçiləri "Dostluq körpüsü" layihəsi çərçivəsində Tovuz rayonunda, ön cəhbədə əsgərlərlə görüşüblər.

Millət vəkili Qənirə Paşayeva və xalq artisti Aybəniz Haşımovanın birgə təşkilatçılığı ilə təşkil edilən tədbirdə onlar öz milli musiqlərini ifa ediblər. Kubadan olan müğənni Emila Morales ilk dəfə Azərbaycan əsgəri gördüyünü və bundan da qürur duyduğunu bildirib.
Qeyd edək ki, "Dostluq körpüsü" layihəsi çərçivəsində 5 ölkənin təmsilçiləri Tovuz rayon İcra Hakimiyyətində də olublar. İcra başçısı Tofiq Zeynalov rayon haqda qonaqlara geniş məlumat verib.

Həmçinin bir neçə müğənni diplomlarla təltif edilib. Tovuzda Şəhidlər Xiyabanını da ziyarət edən qonaqlara vətən uğrunda canından keçən qəhrəmanlarımız haqqında geniş məlumat verilib. Onu da qeyd edək ki, 5 ölkədən olan müğənnilərin ön cəbhədə əsgərlərlə görüşü TTV-nin efirində yaxın günlərdə tamaşaçılara təqdim olunacaq.(Milli .Az)