Özbəkistanın Qaşqadərya vilayətində yerləşən qazdoldurma məntəqəsində güclü partlayış baş verib.
Özbəkistan Fövqəladə Hallar Nazirliyinin məlumatına görə, hadisə Çaman mikrorayonunda məişət qaz balonlarının doldurulduğu stansiyada qeydə alınıb.
Partlayış nəticəsində 6 nəfər həyatını itirib, daha 5 nəfər müxtəlif dərəcəli xəsarətlər alaraq xəstəxanaya yerləşdirilib.
Hadisə yerinə bir neçə yanğınsöndürmə və xilasetmə briqadası cəlb olunub. Yanğın qısa müddətdə söndürülüb.
İlkin məlumata görə, hadisə zamanı 4 nəqliyyat vasitəsi – 2 minik avtomobili və 2 qazdaşıyan yük maşını, eləcə də 2 yeraltı yanacaq çəni zədələnib.
Partlayışın səbəbləri ilə bağlı araşdırma aparılır.
Mövsüm,
AzNews.az