Cəmil Həsənlidən ReAl-a mitinq xahişi

28 Sentyabr 2013 10:34 (UTC+04:00)

Milli Şuranın prezidentliyə namizədi Cəmil Həsənli ReAl Hərəkatının Məclis sədri Erkin Qədirlidən qurumun bugünkü mitinqi ilə bağlı xahiş edib.

AzNews.az-ın məlumatına görə, bu barədə E.Qədirli özünün şəxsi "facebook" hesabında yazıb. E.Qədirlinin sözlərinə görə, C.Həsənli mitinqdə çıxış etməsi üçün ondan xahiş edib: "Dünən Cəmil Həsənli bugünkü mitinqdə çıxış etməyimi xahiş etdi. Elə dünən məhkəmədə görüşərkən, İlqar Məmmədov da məndən bunu xahiş etmişdi. "ReAl"ın İdarə Heyəti də hesab etdi ki, çıxış etsəm, yaxşı olar. Cəmil bəyə səhər zəng etdim, çıxış etməyə razılığımı verdim. Müəllim dedi: "Onda gəl birbaşa tribunaya".

Anar
AzNews.az