Cənubi Koreya-Şimali Koreya sərhədində yerləşən Silahsızlaşdırılmış Zonada (DMZ) axtarış işləri aparan hərbçilərin olduğu ərazidə partlayış baş verib.
Hadisə nəticəsində üç Cənubi Koreyalı zabit yaralanıb. Partlayışın piyada əleyhinə minanın partlaması nəticəsində baş verdiyi ehtimal olunur.
Partlayış DMZ-nin qərb hissəsində baş verib
Cənubi Koreya Baş Qərargahının məlumatına görə, hadisə gün ərzində DMZ-nin qərb hissəsində, Hərbi Demarkasiya Xəttinin (MDL) cənubunda baş verib.
Axtarış işləri zamanı baş verən partlayış nəticəsində üç zabit yaralanıb. Yaralılardan ikisi təcili yardım helikopteri ilə xəstəxanaya çatdırılıb.
Partlayışın səbəbi ilə bağlı hələlik dəqiq məlumat verilməyib. Lakin hadisənin ərazidə qalmış quru minasının partlaması nəticəsində baş verdiyi ehtimal edilir.
Mövsüm,
AzNews.az