Şimali Atlantika Müqaviləsinin 5-ci maddəsi rəqibləri çaşdırmaq məqsədilə qəsdən qeyri-müəyyən formada yazılıb.
Bu barədə alyansın baş katibi Mark Rutte Çikaqo Qlobal Məsələlər Şurasının tədbirində bildirib.
“5-ci maddəyə gəlincə, onun ifadəsi qəsdən qeyri-müəyyən saxlanılıb. Biz heç kimə bu maddənin konkret olaraq nə vaxt qüvvəyə mindiyini, nə vaxt isə qüvvədə olmadığını dəqiq söyləməyəcəyik ki, rəqiblərimiz qarşısında kartlarımızı açmayaq”, - deyə o bildirib.
Rutte qeyd edib ki, hibrid təhdidlər zamanı NATO-nun bir sıra cavab variantları mövcuddur və onların bir hissəsi gizli saxlanılacaq. O əlavə edib ki, cavab simmetrik və ya asimmetrik ola bilər.
Mövsüm,
AzNews.az