Suriyalı nazir 25 cütlüyü evləndirdi
1 Oktyabr 2013 10:49 (UTC+04:00)
Suriyanın paytaxtı Dəməşqdə kütləvi toy mərasimi keçirilib. Hakimiyyətin dəstəyi ilə keçirilən toyun sponsoru Suriyanın Turizm Nazirliyi olub.
Eyni zamanda paytaxtda 25 cütlük evləndirilib. Onlar ölkədə baş verən müharibə zamanı evlərini tərk etmək məcburiyyətində qalanlardır.
Toy mərasimində bir sıra yüksək rütbəli məmurlar, həmçinin Suriya müftisi iştirak edib.
Suriyanın xüsusi məsələlər üzrə naziri bildirib ki, toy mərasimi ölkədə həyatın davam etdiyinə işarədir. Turizm naziri isə kütləvi toyu "ümidin yenidən yaranması" adlandırıb.
Elnur
AzNews.az