Fransada lisey şagirdlərinin müəllim çatışmazlığı və məktəblərin fiziki vəziyyəti ilə bağlı başlatdığı etiraz dalğası getdikcə böyüyüb.
Yüzlərlə şagirdin saxlanıldığı aksiyalar ölkə üzrə yayılmaqla yanaşı, Belçikaya da keçib.
Parisin 11-ci və 19-cu dairələrində iki ayrı liseyin qarşısında zibil qutuları və metal barrikadalar yandırılıb.
Lion şəhərində də bir sıra liseylərin qarşısında aksiyalar davam edərkən, sentyabrın 30-da şagirdlərin yandırdığı Sen-Jüst liseyində tədris dayandırılıb.
Nant şəhərində Nelson Mandela liseyi də dünən şagirdlər tərəfindən yandırılıb.
Məktəbin ətrafındakı yollar nəqliyyatın hərəkəti üçün bağlanıb.
Marseldə isə bir avtobus yandırılıb.
Marseldəki Sen-Ekzüperi liseyində aksiyalar zamanı yanğınsöndürən maşını yandırılıb. Hadisələr zamanı bir yanğınsöndürən yüngül xəsarət alıb.
Etirazçılar liseylərin ətrafında hərəkət edən bəzi ictimai avtobusları da ələ keçiriblər.
Mövsüm,
AzNews.az