Bu ilin sentyabr ayında Azərbaycanda mobil cihazlarda "Android" əməliyyat sisteminin bazar payı 84,31 % təşkil edib.
"Statcounter" agentliyinin son hesabatına görə, bu, avqust ayına nisbətən 2,08 faiz bəndi, 2025-ci ilin sentyabr ayının göstəricisi ilə müqayisədə 4,88 faiz bəndi çoxdur.
Mobil cihazlarda "İOS" əməliyyat sisteminin bazar payı aylıq 2,08 faiz bəndi və illik müqayisədə 4,36 faiz bəndi azalaraq 15,67 % olub.
Planşetlərdə "Android"in bazar payı aylıq müqayisədə 1,2 faiz bəndi və illik müqayisədə 18,4 faiz bəndi artaraq 87,28 % təşkil edib.
Həmin cihazlarda "İOS"un bazar payı 12,55 % təşkil edib ki, bu da aylıq müqayisədə 1,2 faiz bəndi, illik isə 17,97 faiz bəndi və ya 2,4 dəfə azdır.
Bu rəqəmlər Azərbaycanda mobil cihaz bazarında Android-in üstünlüyünün daha da gücləndiyini göstərir.
Sentyabrda Android-in bazar payı 84,31%-ə çatıb. Ötən ilin eyni ayı ilə müqayisədə 4,88 faiz bəndi artım kifayət qədər ciddi dəyişiklikdir. Eyni dövrdə iOS-un payı 4,36 faiz bəndi azalaraq 15,67% olub.
Burada diqqətçəkən məqam odur ki, söhbət sadəcə Android-in çoxluğundan getmir. Androidlə iOS arasındakı fərq artıq 68,64 faiz bəndinə çatır. Yəni Azərbaycanda mobil ekosistemdə Android açıq dominant platformadır.
Planşet bazarında isə vəziyyət daha kəskindir: Android-in payı 87,28%, iOS-un payı 12,55% təşkil edir. Üstəlik, Android-in planşetlərdə illik payı 18,4 faiz bəndi artıb.
Bu mənzərə Azərbaycanda istehlakçının cihaz seçimində qiymət, model müxtəlifliyi və əlçatanlığın mühüm rol oynadığını göstərir. Android müxtəlif qiymət kateqoriyalarında yüzlərlə model təklif etdiyi üçün geniş istehlakçı kütləsinə çıxış imkanına malikdir.
Amma bunun başqa bir tərəfi də var: rəqəmsal ekosistem məsələsi. Android-in bu qədər böyük paya sahib olması tətbiq istehsalçıları, mobil xidmətlər, rəqəmsal reklam və elektron ticarət üçün Azərbaycan bazarında əsas hədəfin Android istifadəçiləri olduğunu göstərir.
Qısası, rəqəmlər çox aydındır: Azərbaycanda mobil texnologiya bazarının əsas platforması Android-dir və sentyabr göstəriciləri bu üstünlüyün azalmadığını, əksinə artdığını göstərir.
Nuray
Aznews.az