BŞPİ Milli Şuranın mitinqi ilə bağlı bəyanat yaydı

5 Oktyabr 2013 17:01 (UTC+04:00)
DİN-in Bakı Şəhər Baş Polis İdarəsi (BŞBPİ) Milli Şuranın bu gün paytaxtda keçirdiyi mitinqlə bağlı bəyanat yayıb.

BŞBPİ-dən APA-ya verilən məlumata görə, bəyanatda deyilir ki, oktyabrın 5-də özünü Demokratik Qüvvələrin Milli Şurası adlandıran qurumun prezidentliyə namizədi Cəmil Həsənlinin Yasamal rayonundakı İdman-Sağlamlıq Kompleksinin stadionunda Bakı şəhər İcra Hakimiyyəti ilə razılaşdırılmış mitinqi keçirilib. Saat 16:30-dan 17:30-dək davam edən toplantıda həmin quruma daxil olan AXCP, Müsavat, ACP, KXCP, El Hərəkatı, eləcə də bir sıra digər müxalifətyönümlü partiyaların, qeyri-hökumət və gənclər təşkilatlarının ümumi sayı 1 500 nəfərədək olan üzvü və təəssübkeşi iştirak edib.

İctimai asayişin və hüquq qaydasının kobud şəkildə pozulması hallarına yol verilməyib.

AzNews.az