160 miqrantın cəsədi tapılıb

7 Oktyabr 2013 08:40 (UTC+04:00)

Lanbeduza adası yaxınlığında Liviyadan gələn və göyərtəsində Somali,Eritreya və digər Afrika ölkələrindən 500 qaçqın olan gəmi qəzaya uğrayıb.

AzNews.az-ın məlumatına görə, sahildən bir neçə km aralı dayanan gəmi göyərtədə tonqal qalanması səbəbindən yanıb.

İndiyə qədər 150 qaçqını xilas etmək mümkün olub. Kütləvi insan tələfatına görə cinayət işi qaldırılıb.

İtaliya hüquq-mühafizə orqanlarının məlumatına görə, Tunis əsilli bir qaçaqmalçı şübhəli şəxs kimi saxlanılıb. Artıq 160 miqrantın cəsədi xilasedicilər tərəfindən tapılıb. Əvvəlki məlumatlarda bu rəqəm 143 göstərilib.

Ölü sayının 300-ə çatacağı gözlənilir.

Əli
AzNews.az