İqbal Ağazadə: “Seçki dünəndə qaldı... İlham Əliyevə uğurlar arzulayıram”

10 Oktyabr 2013 10:09 (UTC+04:00)

"Mən İlham Əliyevə uğurlar arzulayıram. İstərdim ki, bizim seçki təbliğatı zamanı səsləndirdiyimiz problemlər qısa zamanda həll olunsun və Azərbaycanda barış və dialoq yaransın".

Bunu AzNews.az-a Ümid Partiyasının sədri İqbal Ağazadə deyib. Onun sözlərinə görə, prezident seçkilərinin nəticələri dünən axşam partiya qərargahında müzakirə edilib: "Seçki bizim üçün dünəndə, 9 oktyabrda qaldı. Biz partiya olaraq dünən axşam bunu müzakirə etdik. 10 oktyabr 2014-cü il bələdiyyə seçkiləri ilə bağlı kurs götürəcəyik. Bu istiqamətdə fəaliyyətimizi davam etdirəcəyik. Hesab edirəm ki, hər bir siyasi təşkilat doğru olanı etməlidir".

Bahar Rüstəmli
AzNews.az