Saakaşvili haqda şok ittiham: «O, Rusiyanın adamıdır»

15 Oktyabr 2013 08:35 (UTC+04:00)

Gürcüstanın keçmiş prezidenti Eduard Şevardnadze əminliklə bildirib ki, baş nazir Bidzina İvanişvili "Moskvanın adamı" deyil. Lent.az-ın "Qruziya onlayn"-a istinadən məlumatına görə, keçmiş dölvət başçısı bundan ötrü ikonaya da and içməyə hazır olduğunu vurğulayıb.

O, qeyd edib ki, bu məsələ ilə bağlı prezident Mixail Saakaşvili barəsində heç bir söz deyə bilməz.

"Saakaşvili haqqında deyə bilməsəmə də, Bidzina İvanaşvili ilə bağlı ikonaya and içərəm ki, o, Rusiyanın adam deyil. Saakaşvili daha çox Rusiyanın adamıdır nəinki başqa birisi.

Beləsini onlar bir daha tapa bilməz. Onlar 2008-ci ildə onlar Saakaşvilidən ala biləcəklərini aldı, əgər İvanişivili olmasa idi daha çox alardılar. Ona görə də Kreml Gürcüstandakı yeni hakimiyyət üçün vəziyyəti mürəkkəbləşdirir. Sərhəddəki vəziyyəti nəzərdə tuturam. Saakaşvilinin işi bitib. O, gürcü xalqının, ən başlıcası Rusiyanın etimadını itirib" - deyə, E.Şevardnadze Tfilisdə çıxan "Asaval-Dasavali" qəzetinə müsahibəsində deyib.

AzNews.az