153 məhbus azadlığa buraxıldı - Video

15 Oktyabr 2013 17:27 (UTC+04:00)
Prezidentin imzaladığı sərəncam əsasında bu gün 153 məhbus əfv olunaraq azadlığa buraxıldı. Sərəncamın icrası ilə bağlı baş çəkdiyimiz 2 saylı cəzaçəkmə müəssisəsində bu gün 19 məhbus azadlığa qovuşdu.

Burda əfv olunanlar əsasən ağır cinayət törətməkdə ittiham olunaraq cəza çəkənlərdir. Onlar arasında sabiq İqtisadi İnkişaf Naziri Fərhad Əliyev də var idi. Əfv sərəncamı əsasında o həbs müddətinin 2 ildən çox hissəsini çəkməkdən azad olundu.

Fərhad Əliyevin qardaşı, 6 saylı cəzaçəkmə müəssisəsində çəza çəkən Rafiq Əliyev də azadlığa qovuşanlardan oldu.

Baş çəkdimiz digər 9 və 17 saylı cəzaçəkmə müəssisəsindən isə ümumilikdə 9 nəfər əfv olunaraq azadlığa buraxıldı.

Əfv olunan məhbusların sayının çoxluğuna görə digərlərindən fərqlənən bu sərəncam Azərbaycan tarixində sayca 55-cidir. Ümumilikdə 1995-ci ildən bu yana ölkəmizdə əfv sərəncamları əsasında ümumilikdə 5683 məhbus azadlığa qovuşub.






AzNews.az