Polis zabiti öldürüldü

18 Oktyabr 2013 22:41 (UTC+04:00)
Kabaradin-Balkar Respublikasının Svetlovod kəndinin sahə müvəkkili polis baş leytenantı Rüstəm Bjenikov silahlı basqın nəticəsində həlak olub.

Lent.az-ın "interfaks"-a istinadən məlumatına görə, polis zabitinə basqın Zalukokoaje kəndinin xəstəxanası ərazisində axşam saatlarında baş verib. İlkin məlumata əsasən, atəş avtomatik silahdan açılıb. Atəş nəticəsində aldığı yaralardan polis yerindəcə keçinib.

Mənbə bildirib ki, asayiş keşikçisi olay zamanı mülki geyimdə olub. O, xəsətəlik məzuniyyətində imiş.

Cinayətkarlar axtarılır.

AzNews.az