Qardaş qardaşı çəkiclə öldürdü

22 Oktyabr 2013 16:44 (UTC+04:00)

Azərbaycanın Sumqayıt şəhərində dəhşətli qətl törədilib.

Sumqayıt Şəhər Polis İdarəsindən APA-ya verilən məlumata görə, hadisə bu gün Novxanı bağlarında qeydə alınıb. Novxanıda yerləşən bağ evlərindən birində yaşayan, 35 yaşlı Rəşad Oqtay oğlu Seyfəddinov mübahisə zəminində qardaşı, 37 yaşlı Tamerlanı başından çəkiclə vuraraq öldürüb.

İlkin məlumata görə, R. Seyfəddinov qardaşını anasını döydüyü üçün öldürüb.

Sumqayıt polisinin həyata keçirdiyi əməliyyat tədbirləri nəticəsində hadisəni törədən R. Seyfəddinov tutulub.

Faktla bağlı cinayət işi başlanıb, istintaq gedir.

AzNews.az