İlhamə Quliyeva məhkəməyə gəlmədi
31 Oktyabr 2013 10:48 (UTC+04:00)
Xalq artisti Nazpəri Dostəliyevanın həmkarı İlhamə Quliyevaya qarşı qaldırdığı iddia üzrə növbəti məhkəmə prosesi keçirilib.
Bu barədə AzNews.az-a məlumat verən N.Dostəliyevanın vəkili Yunis Vəliyevin sözlərinə görə, qarşı tərəfin özü və nümayəndələri Yasamal Rayon Məhkəməsinə gəlməyib.
Məhkəmə prosesi təxirə salınaraq noyabrın 19-na təyin edilib.
İ.Quliyevanın vəkili Şəfiqə Hacıyeva AzNews.az-a məhkəmə prosesində iştirak etməməsinin səbəbini açıqlayıb: "Şəki şəhər Məhkəməsində məhkəmə prosesim var idi. Məhz bu səbəbdən Yasamal rayon Məhkəməsində prosesdə iştirak edə bilmədim".
Xatırladaq ki, İ.Quliyeva ATV-nin efirində N.Dostəliyevaya xitabən "mən yemirəm, yedizdirirəm" demişdi. Bu ifadənin qarşılığında N.Dostəliyeva xalq artisti İlhamə Quliyevadan 100 min manat təzminat tələb edir.
Bahar
AzNews.az