Daha bir universitetdə tələbə etirazı - Foto

1 Noyabr 2013 11:26 (UTC+04:00)
"Azərbaycan" universitetinin tələbələri imtahanların yazılı keçirilməsinə etiraz olaraq aksiya keçirirlər.

Tələbələr bildirirlər ki, imtahan qaydalarının dəyişdirilməsi bir sıra neqativ hallara yol açır və bundan sui-istifadə edən müəllimlər tələbələrdən rüşvət umurlar.

Qeyd edək ki, "Azərbaycan" universiteti özəl təhsil müəssisəsidir.

Onu da bildirək ki, bir neçə həftə öncə bənzər səbəblərdən analoji aksiya Azərbaycan Dövlət Pedaqoji Universitetində də keçirilmişdi və tələbələr öz tələblərinin nəzərə alınmasına nail olmuşdular.(musavat.com)