Putin miqrasiya qanunvericiliyinin sərtləşdirilməsinin əleyhinədir

6 Noyabr 2013 20:08 (UTC+04:00)

Rusiya prezidenti Vladimir Putin ölkədə miqrasiya qanunvericiliyinin sərtləşdirilməsinin tərəfdarı olmadığını bəyan edib. O, LDPR sədri Vladimir Jirinovskini öz elektoratını dövlətin təməl maraqlarına başa düşmək istiqamətinə yönəltməyə çağırıb.

Musavat.com-un Rusiya mətbuatına istinadən verdiyi xəbərə görə, bunu o, Jirinovskini qəbul edərkən söyləyib. "Qanunvericiliyi sərtləşdirmək lazım deyil, ölkənin qanunlarına, adət-ənənələrinə, mədəniyyətinə sözsüz əməl edilməsini təmin eləmək lazımdır. Bu, çoxplanlı işdir və təkcə Rusiya üçün xarakterik deyil", - deyə Rusiya prezidenti bildirib

AzNews.az