Ər arvadını, sonra isə özünü güllələdi

7 Noyabr 2013 14:17 (UTC+04:00)

Hacıqabul rayonunda ailə faciəsi baş verib.

APA-nın yerli bürosunun verdiyi məlumata görə, hadisə bu gün rayonun Abdulabad kəndində qeydə alınıb.

Kənd sakini, 1964-cü il təvəllüdlü Əlisahib Dəmirov ailə münaqişəsi zəminində həyat yoldaşı, 1964-cü il təvəllüdlü Kafiyə İsmayılovanı ov tüfəngi ilə güllələyib. Ə. Dəmirov daha sonra silahla özünü vurub. Onların hər ikisi aldığı güllə yarasından keçiniblər.

Qətlin motivi hələlik məlum deyil.

Faktla bağlı Şirvan şəhər Prokurorluğunda cinayət işi başlanıb, araşdırmalar davam etdirilir.

AzNews.az