Zabrat yolunda işlər yekunlaşmaq üzrədir. AzNews.az "Azəryolservis" ASC-nin rəsmi saytına istinadən xəbər verir ki, şəhər şosesinin Sabunçu qovşağından- Zabrat dairəsinə qədər olan hissəsində işlər sürətlə davam etdirilir. Yolun keçdiyi ərazidə mühəndis-kommunikasiya qurğuları zəruri olan yerlərdə dəyişdirildikdən sonra təmir işlərinə start verilib. Yolun artıq 5,2 metrlik hissəsinə 3 qat asfalt-beton örtük döşənib. 5,5 km-lik hissədə bardürlər yenisi ilə əvəzlənib, təxminən 4 km-lik məsafədə isə xətləmə işləri yerinə yetirilib. Tərtib olunmuş qrafik əsasında həyata keçirilən işlərin avqust ayında başa çatması planlaşdırılır.
Mirvari Nəcəf
AzNews.az