Həsən Ruhani “altılıq” ölkələrinə çağırış etdi

9 Noyabr 2013 22:10 (UTC+04:00)
İran prezidenti Həsən Ruhani "altılıq" ölkələrini Cenevrədə davam edən danışıqlarda razılaşma bağlamaq üçün yaranmış unikal fürsəti əldən verməməyə çağırıb.

APA-nın verdiyi xəbərə görə, bu barədə "Frans Press" İran mətbuatına istinadən məlumat yayıb.

"Mən ümid edirəm ki, yaxın zamanda müsbət nəticələrə nail olmaq üçün "altılıq" İran xalqının beynəlxalq ictimaiyyətə yaratdığı unikal imkandan maksimum istifadə edəcək", deyə İran prezidenti bildirib.

Qeyd edək ki, hazırda Cenevrədə İran və "altılıq" ölkələri arasında danışıqlar davam edir. Bir qədər əvvəl yayılan məlumata əsasən, tərəflər nüvə proqramı məsələsinə dair hələlik razılığa gələ bilməyib.

AzNews.az