“Neft Daşları“ yatağında yeni quyu qazılır

27 Noyabr 2013 13:55 (UTC+04:00)
Kompleks Qazma İşləri Trestinin "Neft Daşları" Dəniz Qazma İşləri İdarəsi tərəfindən "Neft Daşları" yatağındakı 2150 nömrəli meydançadan 2159 nömrəli quyunun qazma işlərinə başlanılıb.

AzNews.az ARDNŞ-nin saytına istinadən xəbər verir ki, "Neft Daşları" NQÇİ-nin sifarişi ilə Qirməki Üstü Qumlu Lay Dəstəsinə qazılan quyunun layihə dərinliyi 1550 metrdir.

Geoloqların hesablamalarına əsasən, quyudan sutkada 10 ton neft hasil olunacağı nəzərdə tutulur.

AzNews.az