Gədəbəy sakini 5 gün sonra xəstəxanada öldü

27 Noyabr 2013 18:18 (UTC+04:00)
Gədəbəy sakini əmisini qətlə yetirib.

Gədəbəy Rayon Prokurorluğundan APA-ya verilən məlumata görə, hadisə noyabrın 22-də rayon qəbiristanlığında qeydə alınıb.

Rayon sakini, 1998-ci il təvəllüdlü Anar Əvəz oğlu Məmmədov münaqişə zəminində əmisi, 1974-cü il təvəllüdlü Əsəd Çoban oğlu Məmmədovu bıçaqlayıb.

Ağır bədən xəsarətləri ilə xəstəxanaya yerləşdirilən Ə. Məmmədov bu gün xəstəxanada ölüb.

Hadisəni törədən A. Məmmədov tutulub.

Faktla bağlı cinayət işi açılıb, araşdırma aparılır.

AzNews.az