Kiyevdə vəziyyət gərginləşir

10 Dekabr 2013 08:42 (UTC+04:00)

Gecə Ukrayna paytaxtı Kiyevdə barrikadaların sökülməsindən sonra vəziyyət gərginləşib. AzNews.az Ukrayna mətbuatına istinadən xəbər verir ki, səhər saatlarından etibarən aksiyaçılar yenidən "Avromeydan"a doğru hərəkət edir.

Mitinqçilərin Prezident Administrasiyası, Ali Rada binasına doğru hərəkətinin qarşısını almaq üçün mühafizə tədbirləri gücləndirilib.

Qeyd edək ki, dekabrın 10-da "Berkud" döyüşçüləri Prezident Administrasiyası yaxınlığındakı küçələrdə barrikada və çadırları söküb. Milis əməkdaşları ilə qarşıdurmada bir neçə nəfər yaralanıb. Yaxınlıqdakı kilsədə tibb məntəqəsi yaradılıb.

Elnarə
AzNews.az