Bakı-İstanbul aviareysləri yubanır
11 Dekabr 2013 16:37 (UTC+04:00)
Türkiyədə güclü qar yağması səbəbindən Bakı və İstanbul arasında bütün aviareyslərin həyata keçirilməsi 1-2 saat gecikir.
Bu barədə Heydər Əliyev Beynəlxalq Hava Limanından bildiriblər.
Hava limanından qeyd ediblər ki, Bakıdan İstanbula və əks istiqamətdə aviareyslər 1-2 saat yubanır ki, bu da Türkiyə ərazisində müşahidə edilən əlverişsiz hava şəraiti ilə əlaqədardır.
Türkiyə KİV-in məlumatına görə, ölkədə pis hava şəraiti ilə əlaqədar olaraq təqribən 90 daxili və beynəlxalq aviareys təxirə salınıb.
Sinoptiklər əlverişsiz hava şəraitinin bu həftənin sonunadək davam edəcəyini proqnozlaşdırırlar.(trend)