Prezident Rza Zərrabın “rəisi” ilə bağlı xüsusi göstəriş verdi
29 Dekabr 2013 08:46 (UTC+04:00)
İran mətbuatı Türkiyədə həbs edilən azərbaycanlı iş adamı Rza Zərrabın "rəisim" dediyi Babək Zəncani ilə bağlı maraqlı xəbər yayıb.
AzNews.az xəbər verir ki, məlumatlara əsasən, İran hakimiyyəti Babək Zəncanini hədəfə alıb.
Belə ki, iş adamlarına neft və qaz satışı üçün verilən imtiyazlardan bəhrələn B.Zəncani bununla 13.5 milyard dollar sərvət qazanmışdı. İndi isə İran prezidenti Həsən Ruhani ölkəyə tətbiq edilən sanksiyalardan bəhrələnərək qazanc əldə edən Babək Zəncani və başqa iş adamları ilə bağlı araşdırma aparılması barədə göstəriş verib.
"Mehr" xəbər agentliyi bildirib ki, Ruhani köməkçisi İshak Cahangiriyə göndərdiyi məktubda bu şəxslərin aşkarlanması və cəzalandırılması üçün təlimat verib. Araşdırma 1 ay içində aparılacaq və hesabat şəxsən prezidentə təqdim ediləcək.
Elnarə
AzNews.az