21 deputat İran prezidentinə qarşı çıxdı

11 Fevral 2014 19:06 (UTC+04:00)
İranın rəsmi mətbuat orqanlarından biri hesab edilən Fars agentliyndə yayılan bu xəbər daha çox daxili auditoriyaya hesablanan bir bəyanat kimi qəbul edilir.

Yəni müşahidəçilərin fikrincə, prezident Həsən Ruhani və onun ətrafi Amerika sərhədlərinə gəmi göndərməsi kimi böyük bir xəbəri yaymaqla İranın daxilində olan əleyhdarlarını qismən də olsa sakitləşdirmək fikrindədir. Məlumdur ki, mühafizəkarlar qərblə istənilən kompromisə etiraz edirlər. Eyni zamanda dünən İran parlametinin 21 deputatı Həsən Ruhaniyə ölkədə hərbi və raket manevrlərinin keçirilməsinə dəstək vermədiyi üçün xəbərdarlıq ediblər.Yəni mühafizəkar deputatlar hesab edir ki, Həsən Ruhani ölkənin müdafiə sənayesinin inkişafına mane olur.

İranın Birləşmiş Ştatların sərhədlərinə hərbi gəmi göndərməsi ilə bağlı digər səbəb isə bu göstərilir ki, rəsmi Tehran Birləşmiş Ştatların Fars körfəzində öz hərbi gücünün artırmasının əleyhinə olaraq bu addımı atır. Hələ 2012-ci ildə ABŞ bəyan edib ki, Fars körfəzində raket əleyhinə müdafiə sistemi yaradacaq. Fars körfəzində axırıncı geniş miqyaslı təlimləri Amerika 2013-cü ildə keçirib. Həmin təlimlərdə 40 ölkə iştirak etmişdi. (Musavat.com)