Rusiyada azərbaycanlı “qanuni oğru”lara qarşı “sxodka”

13 Fevral 2014 13:46 (UTC+04:00)

Rusiyada Olimpiada oyunları keçirildiyi zamanda, fevralın 11-də Rusiyanın şimal-qərb regionunda "sxodka" keçirilib.

AzNews.az Rusiya mətbuatına istinadən xəbər verir ki, "sxodka"da Dnepropetrovsk sakini, 40 yaşlı kriminal avtoritet Sergey Oleynik "taclandırılıb".

Sergey Oleynik Dnepropetrovsk cinayətkar aləminin dəyişməz lideri olan, Narik ləqəbi ilə tanınan Aleksandr Nalekreşvilinin yaxın adamıdır.

Məlumatlara görə, o, Sergey Oleynikin "qanuni oğru" adı almasına ona görə razılaşıb ki, Dnepropetrovskə kənardan, xüsusilə azərbaycanlı və ya gürcü mənşəli "oğru" gətirilməsin.

Oleynikin "taclandırıldığı" "sxodka" barədə məlumat məhdud dairədə müzakirə edilib. Oleynikin "taclandırılmasına" Lera Sumski, L. Lvovski dəstəkləyib.

Elnur
AzNews.az