Şeyxdən din xadimlərinə qadağa: “Mətbuata danışmayın”
17 Fevral 2014 10:03 (UTC+04:00)
Qafqaz Müsəlmanları İdarəsi (QMİ) nüfuz dairəsində olan din xadimlərinə media ilə əməkdaşlıqda müəyyən qadağalar tətbiq edib.
AzNews.az-a QMİ-dən daxil olan məlumata görə, İdarədən nüfuzlu din xadimlərinə, Qazılar Şurasının üzvlərinə, o cümlədən adıçəkilən qurumda yüksək post tutan şəxslərə mətbuatla mümkün qədər az əməkdaşlıq etmək, hətta müsahibə verməmək kimi tapşırıq verilib.
Dini durumun o qədər də sabit olmadığı bu günlərdə artıq qeyd etdiyimiz qərarın təzahürlərini sezmək olur. Belə ki, son həftə, həmçinin bu gün Şeyxülislam Hacı Allahşükür Paşazadə, o cümlədən dini durumla bağlı QMİ səlahiyyətlilərinə ünvanlanan zənglər və suallar cavabsız qalıb. Bunun məntiqi davamı olaraq QMİ sədr müavini Hacı Salman Musayevin bu gün AzNews.az-a açıqlamasında da görmək olar.
Belə ki, o, AzNews.az-ın əməkdaşının suallarına konkret olaraq belə cavab verib: "Biz saytlara açıqlama vermirik".
Hörmətli din xadimi bu cümlədən sonra telefonu qapadıb və bir daha zənglərə cavab verməyib.
AzNews.az