Yeni İKT proqramlarının tədrisinə başlanıldı- Foto

18 Fevral 2014 16:23 (UTC+04:00)
Azərbaycan Professional Maliyyə Menecerləri Assosiasiyasının İnfosystem - LINK tədris mərkəzində məzunlara diplomlar təqdim edilib.


Assosiasiyadan AzNews.az-a verilən məlumata görə, mərasimdə bildirilib ki, məzunlara kurs zamanı IAB beynəlxalq mühasibat uçotu "Level 2", "Level 3", "Level 4", "DİP İFR AZ" proqramları tədris olunub.

Proqramın təlimçiləri çıxışlarında təhsil prosesi haqda danışaraq, məzunları təbrik ediblər. Çıxış edənlər bildiriblər ki, tədris olunan proqramlar işgüzar insanların əldə etdikləri biliklərinin təcrübi tətbiqinə kömək edir. Praktik yönümlü təhsilin unikal texnologiyası sayəsində "Infosystem-LINK" Azərbaycanda birinci yerdədir.

Mərasimin sonunda Assosiasiyasının rəhbəri Nuriyyə Novruzova məzunlara diplomları təqdim edib.







AzNews.az