İçərisində 140 min pul olan seyf oğurlandı- Bakıda

20 Fevral 2014 10:50 (UTC+04:00)

Bakıda içində külli miqdarda pul olan seyf oğurlanıb.

Bu barədə AzNews.az-a Binəqədi Rayon Polis İdarəsinin 40-cı Polis bölməsindən məlumat verilib.

Məlumatda bildirilib ki, hadisə Binəqədi rayonu, Xocahəsən qəsəbəsindəki plastik məmulatlar istehsalı və satışı ilə məşğul olan müəssisədə baş verib.

Fevralın 19-da səhər saatlarında işə gələn müəssisənin işçiləri pul seyfinin oğurlandığını görüblər. Hadisə yerinə gələn polislərə məlumat verilib ki, seyfdə 137 000 manat və 2 270 ABŞ dolları məbləğində pul olub.

Hələlik cinayəti törədənlərin kimliyi və hadisənin təfərrüatı müəyyənləşdirilməyib. Hazırda hüquq-mühafizə orqanları istintaq-əməliyyat tədbirləri həyata keçirir.

Məhəmməd
AzNews.az