Ukraynada polislər güllələndi - Ali Radaya hücum
21 Fevral 2014 12:14 (UTC+04:00)
Ukraynada hakimiyyət əleyhdarları milisə atəş açıb.
AzNews.az-ın "RİA Novosti"yə istinadən verdiyi məlumata görə, Ukrayna Daxili Qoşunlarının mətbuat xidmətindən bildirilib ki, paytaxt Kiyevin "İnstitutskiy" küçəsində kütləvi qarışıqlıq zamanı milis orqanının əməkdaşlarına atəş açılıb.
Müxalifətçilərə edilən xəbərdarlığa baxmayaraq, hüquq-mühafizə orqanlarının əməkdaşlarının postlarına tərəf atəş halları dayandırılmır.
Müəyyən fasilələrlə müxalifətçilərin barikadalarından hökumət qüvvələrinə qarşı odlu silahlardan istifadə edilir. DİN-dən isə bildirilib ki, müxalifət bu hərəkəti ilə "İnstitutskiy" küçəsindəki milis postunu yararaq, Ukraynanın Ali Radasına istiqamətlənmək istəyir.
Məhəmməd
AzNews.az