Türkiyədə prezident seçkisinin günü açıqlanıb

7 Mart 2014 22:41 (UTC+04:00)

Türkiyə Mərkəzi Seçki Komitəsi prezident seçkisinin tarixi ilə bağlı açıqlama yayıb.

Lent.az-ın Habertürk-ə istinadən məlumatına görə, seçkinin ilk turunun avqustun 10-da, ikinci turunun isə həmin ayın 24-də keçirilməsi planlaşdırılıb.

500-də çox Türkiyə vətəndaşı yaşayan ölkələrdə səsvermə iyulun 31 -dən avqustun 1-3-də keçiriləcək. Belə ölkələrin sayının 60-a yaxın olduğu bildirilib.

AzNews.az