Zaqatalada polis əməkdaşı bıçaqlanıb

11 Mart 2014 19:53 (UTC+04:00)
Zaqatalada polis əməkdaşı bıçaqlanıb.

Zaqatala Mərkəzi Rayon Xəstəxanasından APA-nın Şəki-Zaqatala bürosuna verilən xəbərə görə, axşam saat 19:35 radələrində Anar Zeynalov boğaz və kürək nahiyəsindən kəsilmiş-deşilmiş bıçaq xəsarətləri ilə xəstəxanaya daxil olub. O, hal-hazırda cərrahiyyə şöbəsindədir, üzərində əməliyyat aparılır.

Onun vəziyyətinin ağır olduğu bildirilir.

Zaqatala rayon hüquq-mühafizə orqanlarından APA-ya verilən məlumata görə, Anar Zeynalov Zaqatala RPŞ əməkdaşıdır, kapitan rütbəsində sahə müvəkkilidir.

Hadisənin təfərrüatları hələlik məlum deyil.

AzNews.az