Lənkəranda 4 uşaq atasının meyiti tapıldı

15 Mart 2014 09:19 (UTC+04:00)

Lənkəran şəhərində kişi meyiti tapılıb.

APA-nın cənub bürosunun xəbərinə görə, meyit bu gün səhər saatlarında Lənkəran şəhərindəki Peşə Liseyinin yaxınlığında aşkarlanıb.

Hadisə yerinə hüquq-mühafizə orqanlarının əməkdaşları cəlb olunub.

Məlum olub ki, meyiti tapılan şəxs Lənkəran şəhər sakini, 1960-cı il təvəllüdlü İlham Algül oğlu İbrahimovdur. Onun yanında şpris aşkarlanıb.

Meyit müayinə olunmaq üçün Məhkəmə-tibb ekspertizasına aparılıb. Ölümün dəqiq səbəbləri ekspertizadan sonra açıqlanacaq.

Mərhumun 4 övladının olduğu bildirilir.

Faktla bağlı Lənkəran rayon Prokurorluğunda araşdırmalar aparılır.

AzNews.az