Krımın taleyi həll olundu - Referendum (YENILƏNİB)

16 Mart 2014 22:41 (UTC+04:00)
Məlum olduğu kimi bu gün Rusiyanın təkidi ilə Krımda muxtar respublikanın statusunun müəyyən edilməsinə görə referendum keçirilir.

AzNews.az RİA Novosti - yə istinadən xəbər verir ki, Moskva vaxtı ilə saat 19:00 - a qədər Krımın statusunu müəyyən etmək üçün keçirilən referendumda səs verənlərin sayı 70 faizi ötüb.
Bir az əvvəl muxtar respublikanın referendum üzrə komissiya rəhbəri Mixail Malışev bildirib ki, bu ana qədər 970 019 nəfər səs verib ki, bu da seçicilərin 63.97% - i deməkdir.
Krımın Baş naziri Sergey Aksyonov əmin olduğunu bildirib ki, muxtar respublikanın statusunun təyin edilməsinə 90% krımlı səs verəcək. 20:09

***

Krımın statusu üzrə keçirilən referendum başa çatıb. Referendumda seçicilərin 85 faizi iştirak edib. Respublika Siyasi və Sosioloji Araşdırmalar İnstitutunun məlumatına görə, referendumda iştirak edən seçicilərin 93 faizi Krımın Rusiya ilə birləşməsinin lehinə səs veriblər. Seçicilərin 7 faizi isə Krımın Ukraynanın tərkibində qalmasının tərəfdarıdır.
Əli
AzNews.az