Güclü külək sabah mülayimləşəcək- Proqnoz
21 Mart 2014 15:00 (UTC+04:00)
Sabahdan Azərbaycanda yağıntılar tədricən kəsiləcək, Bakıda güclü külək axşama doğru mülayimləşəcək.
Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosundan bildirilib ki, Bakıda və Abşeron yarımadasında martın 22-də hava şəraitinin buludlu, arabir yağıntılı olacağı, günün ikinci yarısında tədricən kəsiləcəyi gözlənilir. Güclü şimal-qərb küləyi axşama dorğu mülayimləşəcək.
Bakıda və Abşeron yarımadasında havanın temperaturunun gecə 4-7, gündüz 7-10 dərəcə isti olacağı ehtimalı var.
Martın 22-də Azərbaycanın rayonlarında bəzi yerlərdə havanın yağıntılı olacağı, dağlıq və dağətəyi rayonlarda qar yağacağı gözlənilir. Yağıntının günün ikinci yarsısında tədricən kəsiləcəyi gözlənilir. Güclü qərb küləyi əsəcək.
Aran rayonlarında temperaturun gecə 5-9, gündüz 10-15, dağlarda gecə 2 dərəcə şaxtadan 3 dərəcəyədək isti, gündüz 3-8 dərəcə isti olacağı gözlənilir.
AzNews.az