ABŞ-dan Türkiyəyə çağırış: Sosial şəbəkələri bağlamayın

25 Mart 2014 08:29 (UTC+04:00)

ABŞ Dövlət Departamentinin nümayəndəsi Mari Hoff Türkiyəni sosial şəbəkələrə girişi əngəlləməməyə çağırıb.

Xanım M.Hoff Vaşinqtonda brifinqdə qeyd edib ki, insanlar öz fikirlərini sərbəst şəkildə "Facebook" və "Twitter"də ifadə etməlidirlər: "Və hakimiyyət bu resurslara girişi bağlamamalıdır. Bu, "Instagram"a da aiddir".

Qeyd edək ki, bundan əvvəl Türkiyə hakimiyyəti məhkəmənin qərarına əsaslanaraq Twitter-ə girişi bağlamışdı. Türkiyənin Baş naziri Rəcəb Tayyib Ərdoğan bildirib ki, cürbəcür yalanların dərc olunduğu "Facebook", "Twitter" və "YouTube" kimi servisləri müdafiə etməyə ehtiyac yoxdur.

AzNews.az