Kiyevdə aksiyaçılara atəş açan snayperlərlə bağlı yeni məlumat - Foto

31 Mart 2014 10:11 (UTC+04:00)

ABŞ mediası fevralın 20-də Kiyevin "Müstəqillik" meydanında aksiya iştirakçılarına snayperdən atəş açılması ilə bağlı maraqlı faktlar aşkarlayıb.

AzNews.az-ın məlumatına görə, ABŞ-da nəşr olunan "The Daily Beast" qəzeti aksiyanı dağıtmaq üçün Ukrayna Təhlükəsizlik Xidmətinin mərkəzi binasının qarşısında xüsusi təyinatlıların snayperlərlə silahlandığını əks etdirən fotolar əldə edərək, yayımlayıb.

Mətbu orqanın əldə etdiyi məlumatda o da qeyd olunub ki, syanperlərlə silahlanmış şəxslər xüsusi təyinatlı "Alfa" qrupunun üzvləridir. Qəzet xüsusi təyinatlıların Rusiyadan gəldiyini də ehtimal edir.

Xatırladaq ki, fevralda Kiyevdə baş verən toqquşmalarda hüquq-mühafizə orqanları və mülki şəxslər arasında 100-dən artıq şəxs ölüb. Aksiyaların nəticəsi olaraq isə Viktor Yanukoviç prezidentlikdən kənarlaşdırılıb.

AzNews.az