Bakıda hərəkətin məhdudlaşdırılması davam etdiriləcək
9 Aprel 2014 15:08 (UTC+04:00)
Bakının mərkəzində hərəkətin məhdudlaşdırılması davam etdiriləcək.
Nəqliyyat Nazirliyinin Nəqliyyatı İntellektual İdarəetmə Mərkəzindən (NİİM) daxil olan məlumata görə, "Azəryolservis" ASC-dən NİİM-ə verilən məlumata əsasən, yol cizgiləri xətlərinin, piyada keçidlərinin və yol göstərici xətlərin yenidən rənglənməsi məqsədilə bu gün saat 22:00-dan etibarən Səbayıl rayonu Neftçilər prospekti və Azneft dairəsində nəqliyyat vasitələrinin hərəkəti hissə-hissə, qismən məhdudlaşdırılacaq. Məhdudlaşdırma yolun 2 zolağı üzrə aparılacaq.
Qeyd edək ki, işlər aprelin 8-də həyata keçirilməli idi. Lakin dünən axşam yağan yağışla əlaqədar olaraq, rənglənmə işlərini tamamlamaq mümkün olmayıb.
AzNews.az