Türkiyə müxalifəti daha bir vilayəti itirdi

21 Aprel 2014 19:39 (UTC+04:00)

Türkiyə Yüksək Seçki Qurumu (YSK) Yalova vilayətində bələdiyyə seçkilərinin nəticələrini ləğv edib.

AzNews.az xəbər verir ki, ANS PRESS-in məlumatına görə, YSK ana müxalifət partiyası CHP-nin 6 səs fərqlə qalib gəldiyi seçkinin nəticələri səsvermə hüququ olmayan 7 seçicinin səslərindən istifadə edilməsi üzündən ləğv edilib.

YSK-də bu qərara 9 nəfər lehinə və 2 nəfər əleyhinə səs verib.

Yalovada yeni bələdiyyə seçkiləri eyni seçici siyahısı və eyni namizədlərlə 1 iyunda keçiriləcək.

AzNews.az