Baş məşqçi federasiya prezidenti oldu

2 Sentyabr 2012 19:26 (UTC+04:00)
Bakının "İnter" klubunun sabiq baş məşqçisi Anatoli Konkov federasiya prezidenti seçilib. AzNews.az Azerisport.aza istinadən xəbər verir ki, bundan sonra o, Ukrayna Futbol Federasiyasına rəhbərlik edəcək.

Maraqlıdır ki, Konkov bu posta yeganə namizəd idi. Nəticədə seçkilər zamanı bütün konqres iştirakçıları yekdilliklə Konkovun prezidentliyini dəstəkləyib.

Xatırladaq ki, Konkov Azərbaycanda 2004-2006-cı illərdə çalışıb.

AzNews.az