Putindən daha bir təzyiq: Krımda müsəlmanlar kütləvi dindirilir

9 May 2014 07:51 (UTC+04:00)
"Krımda müsəlman əhali dindirilmək üçün polisə çağırılır. Son günlər bu davamlı hal alıb". AzNews.az-ın məlumatına görə, bu açıqlama ilə Krım Müsəlmanlarının "İnsaf" Liqasının sədri Lütfiyə Zudiyeva çıxış edib.

O deyib ki, təkcə muxtar respublikanın Kirov rayonunda 150-yə yaxın müsəlman polis idarəsinə aparılaraq, dindirilib. L. Zudiyevanın sözlərinə görə, dindirilmə zamanı onlara şəxsi suallar verilir: "İnsanlara narahatlıq yaradan suallar verərək, onları narahat edirlər. Daha çox "İslama nə vaxt gəlmisən?", "Kiminlə əlaqələrin var?", "İslamın hansı istiqamətinə etiqad edir?" kimi suallar verilir".

Liqa sədri qeyd edib ki, ötən gün Starıy Krım şəhərində bir çox müsəlmanların əl izlərini götürüb və şəkillərini çəkib: "Bütün bunlar isə qanunsuzdur. Bütün prosesləri bizim əleyhimizə yönəltmək istəyirlər. Mən bunu anlayıram".

Məhəmməd
AzNews.az