Xorvatiya üzərində qələbə, Ukraynaya məğlubiyyət

4 Sentyabr 2012 06:47 (UTC+04:00)
Şahmat üzrə kişilərdən və qadınlardan ibarət Azərbaycan milli yığma komandaları İstanbulda davam edən Ümumdünya Şahmat Olimpiadasında növbəti oyunlarını keçiriblər. Altıncı tur çərçivəsində kişi qrossmeysterlərimiz Xorvatiya üzərində 3:1 hesabılə qələbə qazanıb. Belə ki, Teymur Rəcəbov və Şəhriyar Məmmədyarov rəqiblərindən üstün olub, Rauf Məmmədovla Eltac Səfərli isə heç-heçə ilə kifayətləniblər.

Qadınlardan ibarət komandamıza gəlincə, Fikrət Sideyifzadənin yetirmələri Ukrayna millisinə 0,5:3,5 hesabı ilə məğlub oldular. Onu da qeyd edək ki, növbəti turda kişilərdən ibarət komandamız Rusiya yığması, qadın şahmatçılarımız isə Sloveniya ilə görüşəcəklər.

Emin Abbasov
AzNews.az