NATO-dan Rusiyaya əzələ nümayişi - hərbi təlimlər başladı

9 İyun 2014 09:38 (UTC+04:00)

ABŞ-ın himayəsi altında Avropanın şərqində NATO qoşunlarının irimiqyaslı hərbi təlimləri başlayıb.

AzNews.az Reuters-ə istinadən xəbər verir ki, təlimlər Polşa, Latviya, Estoniya və Litvada keçirilir.

"Saber Strike-2014" kod adı altında iyunun 9-21 tarixlərində keçiriləcək təlimlərdə 9 ölkədən 2 mindən çox hərbçi iştirak edəcək.

Latviya Müdafiə Nazirliyinin verdiyi məlumata görə, təlimlərin məqsədi beynəlxalq əməliyyatlarda iştirak vərdişlərinin artırılmasıdır.

Aydan Axundova
AzNews.az