Xalq artisti: “Bu, cəmiyyətdə silkələnmə yaratdı”

10 İyul 2014 09:38 (UTC+04:00)

"Azərbaycanda insan ruhunu təmizləyən, dəyərləri aşılayan kino nümunələrinin yayımlanmasının tərəfdarıyam. Bu mənada bir neçə il əvvəl Azərbaycan televiziya kanallarının birində yayımlanan "Həzrəti Yusif" serialının davamlı olmasını istərdim".

Bunu AzNews.az-a açıqlamasında Akademik Milli Dram Teatrının aktyoru, Xalq artisti İlham Əsgərov deyib.

O bildirib ki, belə filmlərin yayımı xalqın və cəmiyyətin dini maariflənməsinə də xidmət edir: ""Həzrəti Yusif" yayımlanandan sonra cəmiyyətdə bir silkələnmə oldu".

İ. Əsgərov onu da əlavə edib ki, hazırda peyğəmbərlərin həyatından bəhs edən filmlərin bəzilərinin Azərbaycan dilinə tərcümə olunmasına dair müzakirələr aparılır: "Bu səpkili bir neçə serial var, amma hələ tərcüməsi ilə bağlı qərar verilməyib".

Bahar Rüstəmli
AzNews.az