Tərtərin başçısı cəbhədəki son durumdan danışdı - FOTOLAR

4 Avqust 2014 14:02 (UTC+04:00)

Tərtər rayon İcra Hakimiyyətinin başçısı Müstəqim Məmmədov rayona ezam olunmuş jurnalistlərlə görüşüb. AzNews.az xəbər verir ki, icra başçısı jurnalistlərlə görüşündə hər şeyin nəzarətdə olduğunu və bəzi informasiya mənbələrində yayılan xəbərlərin həqiqəti əks etdirmədiyini bildirib.

M.Məmmədov qeyd edib ki, özü şəxsən rayonun düşmənlə təmas xəttində yerləşən kəndlərinə baş çəkib və əhali arasında narahatlıq, təşviş yoxdur.

Qeyd edək ki, son günlər cəbhədə atəşkəsin pozulması nəticəsində ordumuz 15 hərbçisini itirib.

İntiqam Valehoğlu
AzNews.az